磯幸 (Closed)

今個星期屋企人生日，但係屋企人唔係好傳統所以唔會選擇中菜，就揀咗一個比較方便嘅地方，即係灣仔食日本菜。櫻花蝦細細隻，口感都幾香脆，燒得好香，估唔到除咗加去車仔麵之外，單獨食都可以咁有風味。象拔蚌、赤背、伊佐木魚、鮑魚係幾款都幾高質素嘅刺身，高質素係除咗係本身嘅價值之上，呢間餐廳用料同埋入貨都做得好好。象拔蚌口感鮮甜無比，口感非常爽口。赤背同樣有很香的鮮味。鮑魚刺身實在少見，吃起來竟然有點帶子的類似的味道，口感實在彈牙。伊佐木魚非常考師傅的工架，可以原條起晒啲肉出嚟，雖然唔會有好濃郁嘅味道，但係吃得出的鮮味！燒帶子調味比較香濃，鹹香十足，而且帶子原本夠新鮮，所以吃起來口感較實在。黑豚肉腸同平時食嘅香腸非常不同，吃得出裏面是一些黑豚肉粒粒，口感豐富，與眾不同。日本𩶘魚燒得外皮做得金黃，無論是賣相還是色澤都非常吸引。肉質比較鬆散但是不會太林，可以加上檸檬或蘿蔔碎，令整體更加減少油膩。明太子燒飯團是今天晚上的最後一道菜，外皮口感非常香脆，好似食米通一樣。裏面嘅明太子鹹香十足，配搭起嚟相得益彰，味道不會過濃但是非常好吃。仲可以叉電～