Kyukyoku Do (Circle Tower)

難得平日可以同屋企人午餐，想搵間有lunch set 嘅日本餐廳試下。見到究極堂係OpenRice 有好多好評，就去試吓啦。

我哋4大2小，叫左4份午市定食，都包埋麵豉湯、沙律，亦都可以用優惠價加購魚生、小食。
………………………………………………
火炙壽司拼盤配烏冬 ⭐️⭐️⭐️⭐️
有鰻魚、三文魚、帶子、蝦、左口魚邊等等嘅火炙壽司，味道正常。烏冬軟硬程度適中，味道正常。

火灸壽司拼盤配烏冬

$158

火灸壽司拼盤配烏冬

$158

芝心吉列豬排蛋包飯 （咖哩汁） ⭐️⭐️⭐️
蛋包飯個蛋好嫩滑，日式咖哩嚟講依個咖哩汁算偏辣，吉列豬排就麻麻地，整體味道一般。

芝心吉列豬排蛋包飯 （咖哩汁）

$88

漢堡扒蛋包飯 （番茄汁） ⭐️⭐️⭐️
蛋包飯個蛋好嫩滑，但係漢堡扒就好乾，整體味道一般。

漢堡扒蛋包飯 （番茄汁）

$78

究極炎之丼⭐️⭐️⭐️
配料有火炙過嘅帶子、蝦、左口魚邊、油甘魚、吞拿魚蓉等，飯底加咗醋同埋少許嘅飯素。面頭仲有一層奶白色嘅醬，食落似蒜蓉醬，另外亦都有一啲炸蒜粒。其實頭幾啖幾好味，不過食多幾啖就開始覺得，好似成個丼飯都係同一隻醬嘅味道，而且仲蓋過魚生本身嘅鮮味。越食越覺得麻麻哋。

究極炎之丼

$128

三文魚（2片） ⭐️⭐️⭐️⭐️
優惠價$16 加購左2片三文魚刺生，幾肥美新鮮，性價比唔錯。

三文魚（2片）

$16

………………………………………………
究極堂嘅午市定食其實價錢唔貴，而且魚生質素都唔錯，各樣食物賣相亦都唔錯，但係整體味道，我覺得究極堂真係只係達到”ok 啦” 嘅水平。