喜多嬉牡蠣屋 (Closed)

本身係勁勁勁鍾意食生蠔, 公司附近新開生蠔放題餐廳仲要係日本直送, 梗係即刻衝!平日一收工過去6點零餐廳都仲未有咩人, 但係一到7點就成個場full晒, 果然大家一收工就嚟食好西!一坐低staff就拎咗個茶壺隔離煲住, 原來嗰個係海鮮湯, 好鮮甜, 後咪睇到入邊仲有蝦同花甲, 食埋唔好嘥~跟住就係佢嘅懷石八品, staff介紹, 由澳洲溏心鮑魚開始順時針食, 跟住沙律菜, 月見燒雞軟骨棒, 跟住係喜多嬉牡蠣茶漬飯, 凸炭燒活鰻, 伊勢海老羊羹, 最後係龚雲丹松葉蟹黃金膏配蟹醋啫喱, 明太子拌秋葵係for你想清一清個口嘅味道時候食, 由於本身甚愛秋葵, 所以一早食晒~其實食咗懷石八品都知食物高質, 但係都唔好忘記今日嘅主角-生蠔!!! 因為怕伏所以一開始都係半打半打咁嗌, 但係試咗一round之後就知道嚟緊可以大嗌特嗌! 完全係出邊居酒屋嘅生蠔水準, 大粒, 新鮮, 多汁, 蠔味重! 食極都唔夠! 第一次食放題可以食到咁鮮嘅蠔, 結果一直嗌一直嗌. 當然佢嘅焗蠔, 焗帆立貝同串燒都出色, 但係生蠔真係太搶fo. 佔晒我quota!最後勁飽好滿足到甜品都食唔落, 後咪見到其他人po嘅甜品相