漁道樂 (Closed)

同屋企人嚟到漁道樂食日本菜，心情充滿興奮同期待，因為之前都有唔少朋友食過話好味。踏入餐廳，佈置充滿日式居酒屋嘅氣氛，唔使坐飛機去日本，都可以有置身日本嘅感覺，真係正啦。先嚟燒蟹甲羅，蟹膏味濃，有店員幫手燒，服務好好。再來五色刺身，非常新鮮。特選壽司盛合有八款壽司，全部都好味味。雜錦天婦羅炸得香脆，最愛天婦羅茄子。牛油果軟殼蟹沙律非常有驚喜，沙律醬係黑松露醬好香，沙律菜又新鮮。 芝士焗龍蝦全隻龍蝦起曬肉切粒粒，非常方便，肉質爽彈。最後嘅活貝盛合火喉燒得剛剛好，又夠鮮味。