鳴虎 (北角匯二期) (Closed)

今日約咗北角朋友shopping食個飯傾下計，北角匯一田裏面有間拉麵店《鳴虎》，食過你會知有幾好味。呢度拉麵有好多款湯底，有豬骨湯、黑蒜油、蝦味噌豬骨湯、四國香蔥....每款湯底都好有特色。特濃辛口拉麵~味道辣辣地好惹味，麵質夠爽口，日式叉燒兩大塊，醃得好夠味，另外加一份筍，爽口。札幌香蔥豚肉丼~份量都幾大，腩肉角切啖啖肉，炆得入味好夠淋，加入蔥粒葱絲更可口。鳴府炸雞~熱辣辣新鮮炸起，外面粉漿脆卜卜。胡麻菠菜~豐富鐵質好有益，夠嫩唔韌，加入芝麻醬更添食慾。食完仲可以繼續超市買零食回家煲劇，去日本旅行差唔多㗎咋。