甜品工房 (Closed)

就係個多月前，日本個邊出左個和菓子叫「水信玄餅」，外形似足一粒大水珠，吸引左日本個邊大熱咁用Twitter 互相轉發~ 香港就有食店即刻把握商機推出"仿照版"，仲改埋個名叫「大和玄餅」，一聽就知係東瀛味十足既甜品啦!! 去到已經有塊牌寫住~甜品工房分別有4款甜品新出咗，其中一款就係「大和玄餅」!!驟眼見到好似唔多人知或叫呢款甜品，反而比較多人叫其他新甜品或者甜品工房既大熱甜品「紫葡之戀」。但等左6,7 分鐘，當店員攞出黎既時候，遠望真係睇到有種"震下震下"同"浪下浪下"即刻吸引左唔少旁人既注目~~有一枱既其中一位顧客見到咁特別，都話要叫一個試吓~ 第一眼望落去，已經見到有水滲左係塊板到...但唔太影響總體外觀既~玄餅晶瑩剔透，十足一個水球!!但一"畢"落去唔會有水出既~原來係果凍黎!!同日本個個用水唔同~味道較為清淡，可以話無味~上面鋪左黃豆粉，夾埋既感覺味道都係較為淡味。隔離放左D紅豆蓉，綠茶丸子同蓮蓉。玄餅同紅豆蓉一齊食先叫做有番D甜味，綠茶丸子同蓮蓉就都係較為淡味，丸子亦唔煙靱...環境:港式甜品店設計~有D位有得"埃";有D就系一排無得"埃"既位~總體:影相就唔錯既~味道就