我揀咗Lv3套餐，98款食材任食，足足180分鐘燒到盡，性價比爆燈💯 環境舒適，座位寬敞，燒肉爐乾淨衛生👍🏻
首先，自助區超豐富！多款前菜、炸物、飲品同甜品一應俱全。炸物炸得香脆熱辣辣，咬落外脆內嫩，配埋清爽沙律，開胃一流。飲品有果汁、汽水、茶同任食雪糕。
黑毛和牛系列係重頭戲！薄炙牛里脊肉、牛里脊、牛肋肉、牛肋條、角切一口牛，每款紋理細緻，油脂甘香，肉味濃郁。入口即化，燒起嚟滋滋響，香氣四溢！可以揀原味、鹽味醬、燒肉醬或辣味噌醬，調味多變，滿足唔同口味。特別推介牛肋條，肥瘦適中，烤到微焦邊緣，juicy到爆！
生牛肉刺身絕對係亮點！肉質柔軟無筋，入口滑溜即化。生牛大腹肉壽司油潤豐腴，配上醋飯，超級過癮🤩 海鮮方面，有超大隻大虎蝦，肉質彈牙鮮甜。
