今日食便當 @Freshlane (Closed)

同事提議今日食日本便當外賣，日本嘢食喎，好難拒絕嘅😆估唔到連我鍾意食嘅流心芝士薯餅同可樂餅都可以外賣，又想食炸物但又驚唔夠飽，不過加多個餐又會太飽……同事好好人，一個套餐兩份分，搞惦。預先落order， 去到已即時可以拎走，完全唔洗等，慳返唔少時間。 套餐揀左香葱鰻魚黃金蛋炒飯+鮮牛油南瓜粟米+日本橘子汁，另外再加左可樂餅、流心芝士薯餅、檸檬沙翁芝士年糕。好彩同同事share，估唔到個🍲饅魚炒飯係double上，女仔食真係未必食得晒，男士就應該啱啱好。鰻魚塊都幾多，d汁好好味，整個炒飯好香，珍珠米炒嘅飯特別軟腍索汁。🌽牛油南瓜粟米嘅南瓜切到細細粒，入口就係好香嘅牛油味同甜味，分唔到食緊粟米定南瓜。套餐仲有沙律同前菜。沙律都ok，最鍾意粒車厘茄夠鮮甜。前菜有幾片味附帶子裙邊入味夠爽口。🧆我嘅重頭戲炸物😋十分香脆，難得芝士薯餅外賣返到office都仲有少少流心效果，芝士味濃。可樂餅非常鬆脆，餡料嘅薯蓉又夠鬆軟。仲有件🍋檸檬沙翁芝士年糕，即係平時食開嘅芝士年糕，但係外層曬滿沙糖同清香嘅檸檬汁。呢個真係十分驚喜，糯米控嘅我覺得芝士年糕本身已經好好食，估唔到只係面層加少少變化，整個味道層次變得十