一踏入餐廳就見到落地大玻璃，裝潢簡約，餐廳設有兩種座位設計，包括可以一邊享受食物一邊欣賞到廚師的烹調手藝嘅吧枱座位及在窗邊嘅普通椅子座位😊好有氣氛🥰
最近餐廳做緊期間限定・肉祭，我都叫左其中2款試下🤭
3
鹿兒島A5黑毛和牛扒 $348
店家用上西冷部位🐮，黑毛和牛肉味濃郁，油花細緻均勻，師傅燒得剛剛好，口感較有咬勁。
豪華大阪御好燒 $148
必食❗️師傅將椰菜及蔥花等材料加入日式高湯製成的麵糊，然後用鐵板烤成御好燒，再加入蝦🦐、帶子及八爪魚🐙，面頭抹上老闆小松家的原創秘製醬汁、蛋黃醬及柴魚花🧂口感鬆軟，yummy yummy‼️
大阪烤牛小腸 $78
牛小腸切成一口大小，連同椰菜及洋蔥一同鐵板燒，質感柔軟，食落煙煙韌韌，沒有澀味及肉臟羶味👍🏻
日本玉子卷 $65
玉子卷層層疊疊🍳，而且呈半生熟狀態，質感鬆軟柔嫩又多汁，蛋香味濃厚，口感滑溜。
沖繩香檸可爾必思梳打 $58
呢款係無酒精版🍹沖繩香檸味道突出，味道好清新。
柚子梳打 $30
梳打加入清新芳香的柚子，味道清爽，可以一解膩感。
