超有氣氛嘅大阪過江龍大阪燒，定期會有唔同新Menu。今次推出咗沖繩縣祭，係清爽嘅日本風味。
🔥 大阪御好燒加麵
豚肉+椰菜+炒麵鋪滿，仲有秘製嘅大阪燒醬，味道又正宗又惹味。價錢都唔貴，又大份。
🔥 免治雞肉燒
免治雞肉做雞肉餅，鐵板煎到外脆內軟，上面有蛋黃+香蔥，又香口又嫩滑✨
🍚 和牛蒜香炒飯
簡單嘅炒飯都非常考功夫，師傅炒得好有鑊氣。和牛碎加蒜片爆香，飯粒喺鐵板上炒到跳吓跳吓，好食！
🌽 鐵板粟米
鐵板粟米餅煎到燶燶地，幾香口，粟米又粒粒分明，仲好甜。
🥓 午餐肉配咖喱他他醬
創意滿分，SPAM午餐肉煎脆，配自家調製咖喱他他醬，咖喱味唔係好搶，但又可以中和咗午餐肉嘅鹹。
🍹 沖繩香檸可爾必思梳打
檸檬味道酸甜，梳打又清爽解膩。
