Video
Read full review
2011-05-21
65 views
我放完 4 日長假，今日返工。見到上環信德中心開咗<蘭芳園>，對我嚟講夠就腳！ 喺 KFC 樓上，澳門賽馬會隔離，鄰近東橋；日後去澳門之前，可先到此嘆港式早餐！呢間新店門面幾大，比較尖沙咀重慶大廈分店較大！但係圓枱之間缺乏空間，卡位確實不多！ 仍保持懷舊裝修，有三角扇、街市見到嘅紅色吊燈。如果留意一下摺凳，全部都有「蘭」字，代表蘭芳園，別具一格！供應一般茶餐之外，還有潮州打冷及廣東燒味。早餐 ( 7:30 ~ 11:00 供應 ) 由 $22 ~ $27 不等，價錢大眾化！既然 SMASHING PUMPKINS 師兄覺得番茄薯仔湯通粉唔好食，加上同枱食客都覺得係罐頭湯貨色，不試也罷！金牌豬扒包早餐 $26 ( 單叫 $17 )可見用上嘉頓麵包，烘過後仍略帶微溫，包質鬆軟；切開一半，方便食客進食，真周到！揭開個包，包裡面搽咗沙律醬，豬扒份量不少， 不知道豬扒煎好後，放咗幾耐，已經灘凍哂！ 沒有加入鬆肉粉，又夠入味，真好食！ 豬扒下底有一塊番茄，番茄與包之間搽上些少牛油，整體味道確是不錯，只是豬扒有點失色！熱杏仁霜 ( 單叫：熱飲 $15 / 凍飲 $17 )儘管天氣有幾
見到上環信德中心開咗<蘭芳園>，對我嚟講夠就腳！
喺 KFC 樓上，澳門賽馬會隔離，鄰近東橋；日後去澳門之前，可先到此嘆港式早餐！
呢間新店門面幾大，比較尖沙咀重慶大廈分店較大！但係圓枱之間缺乏空間，卡位確實不多！ 仍保持懷舊裝修，有三角扇、街市見到嘅紅色吊燈。如果留意一下摺凳，全部都有「蘭」字，代表蘭芳園，別具一格！
供應一般茶餐之外，還有潮州打冷及廣東燒味。早餐 ( 7:30 ~ 11:00 供應 ) 由 $22 ~ $27 不等，價錢大眾化！
既然 SMASHING PUMPKINS 師兄覺得番茄薯仔湯通粉唔好食，加上同枱食客都覺得係罐頭湯貨色，不試也罷！金牌豬扒包早餐 $26 ( 單叫 $17 )
可見用上嘉頓麵包，烘過後仍略帶微溫，包質鬆軟；切開一半，方便食客進食，真周到！
揭開個包，包裡面搽咗沙律醬，豬扒份量不少， 不知道豬扒煎好後，放咗幾耐，已經灘凍哂！ 沒有加入鬆肉粉，又夠入味，真好食！ 豬扒下底有一塊番茄，番茄與包之間搽上些少牛油，整體味道確是不錯，只是豬扒有點失色！
熱杏仁霜 ( 單叫：熱飲 $15 / 凍飲 $17 )儘管天氣有幾熱以及時間有幾趕，我依然堅持飲熱飲！因為較為健康，又可以飲出淡奶嘅真正濃度，唔會受冰而影響。凍飲嘅冰會破壞質感，變得水汪汪！以肥肥矮矮嘅杯盛住，慢慢品嚐箇中味道，淡奶落得夠多，水夠熱，能帶出杏仁特有香味！攪勻一飲，杏仁味香濃又夠滑！
此外，呢度係用糖罌，棄用糖包，雖然環保，但易受潮！
美中不足正是店員唔會主動遞上一杯茶俾每位食客，除非食客要求！連一般茶餐廳最基本嘅都無，要扣分！大家要留意呀！
Post
