Video
Read full review
2023-05-06
41 views
Omakase有廚師發辦就食得多，客人發板都係第一次聽，師傅係希望客人下次黎可以提前預訂話比師傅知道想食乜野，從而設計一個自己鍾意嘅menu，每位大約$1000起，豐儉由人而呢間餐廳風格行型格路線，完全唔拘泥於傳統日式，餐廳以日本高級食材做私房料理，而且每逢星期一至三老闆仲會請大家免費飲sake，因老闆好鍾意飲酒，所有酒杯都係喺日本各地逐對逐對買返黎，非常特別，如撞岩時間黎千其唔好錯過！🌟海老花膠果凍清湯加左蝦頭膏去煲，再雪成果凍加埋花膠口感好清新配柚子酸汁食成件事好fresh又開胃🌟刺身5點（a）鮟康魚肝火炙處理令魚肝更加香配酸汁辣蘿蔔茸食（b）星鰻刺身星鰻BB既刺身口感有少少黏口入口就有好特別既甜味可以配埋同埋海草一齊食（c）水母刺身水母爽口而帶少少海水味配柚子柚子啫喱食，酸酸地更加帶出水母既鮮味又係一道清新既前菜（d）金目鯛金目鯛本身油脂唔多但魚既甜味非常凸出口感稔滑（e）拖羅同樣用左火炙處理陣陣油香未入口已經聞到入口即溶既toro口感味道都係一流🌟海老丸子時令野菜煮南瓜 大根自身既甜味已經好出眾自家制蝦丸夠彈牙用左煮蘿蔔既水同蟹肉做芡汁可以話係原汁原味🌟醬燒和牛三角肋肉來自兵庫
而呢間餐廳風格行型格路線，完全唔拘泥於傳統日式，餐廳以日本高級食材做私房料理，而且每逢星期一至三老闆仲會請大家免費飲sake，因老闆好鍾意飲酒，所有酒杯都係喺日本各地逐對逐對買返黎，非常特別，如撞岩時間黎千其唔好錯過！
🌟海老花膠果凍
清湯加左蝦頭膏去煲，再雪成果凍
加埋花膠口感好清新
配柚子酸汁食成件事好fresh又開胃
🌟刺身5點
（a）鮟康魚肝
火炙處理令魚肝更加香
配酸汁辣蘿蔔茸食
（b）星鰻刺身
星鰻BB既刺身口感有少少黏口
入口就有好特別既甜味
可以配埋同埋海草一齊食
（c）水母刺身
水母爽口而帶少少海水味
配柚子柚子啫喱食，酸酸地更加帶出水母既鮮味
又係一道清新既前菜
（d）金目鯛
金目鯛本身油脂唔多
但魚既甜味非常凸出
口感稔滑
（e）拖羅
同樣用左火炙處理
陣陣油香未入口已經聞到
入口即溶既toro口感味道都係一流
🌟海老丸子時令野菜煮
南瓜 大根自身既甜味已經好出眾
自家制蝦丸夠彈牙
用左煮蘿蔔既水同蟹肉做芡汁可以話係原汁原味
🌟醬燒和牛三角肋肉
來自兵庫縣姫路A5+和牛
BMS係最頂級既12級，完美嘅油花比例
喺香港非常少見
同一般和牛既分別係
呢款和牛除左有油香之外
保留左好重既肉味同埋口感
食落都唔會覺得好膩
師傅話因為呢個農場唔會好似其他農場咁夾硬用飼料谷肥啲牛，而係自由放養足18個月，所以先可以做到有肉味而且入口即溶得黎唔會濟
師傅仲話燒肉醬汁用左4種水果黎調配
唔怪之得比起出面既燒肉汁更多清新同味道豐富
🌟毛蟹海膽杯
除左海膽同毛蟹肉之外
仲加左三文魚子 蟹黃 同帶子
全部都係十分鮮甜既食材
包住紫菜食，幾個層次既口感同鮮甜十次過爆發出黎 滿足度100分
🌟蟹黄茶碗蒸
用左毛蟹肉加上大閘蟹蟹黃炒香
底下茶碗蒸蛋配料只有少量栗子茸，唔會搶味 凸顯蟹黃既濃郁鮮味
🌟鮑魚 刺參 花雕醉蝦
師傅最新研發既菜式
用左日本赤蝦黎做醉蝦
鮑魚同刺參就用左鮑魚膽汁黎入味
而賦予成個菜式味道既就係加左少少辣椒既蝦膏湯
鮮味十足，而少少辣味有助加帶出蝦既甜味
一道好味又有創意既菜式
🌟毛蟹海膽飯
用毛蟹殼淆成湯，有少少似龍蝦湯既感覺
飯粒加左少少松露調味
蟹肉增加口感 而海膽就令湯汁更加香濃
有少少似食緊意大利飯，不過係日本既風味
好食
🌟鯛魚湯
用左蜜柑鯛同埋黃腳鱲淆出黎既湯
香濃奶白，十分鮮甜
🌟靜岡縣亞魯斯蜜瓜
橙肉蜜瓜香甜多汁，呢個季節非常當造
為呢餐畫上完美句號
Post
