免治雞肉棒$42
雞肉棒好大件，好香同熱辣辣。加咗好多細細粒有咬口嘅雞軟骨打勻。雞肉調味剛剛好，再加埋生蛋黃同豉油即時令雞肉更軟滑。
燒茄子$28
有幾種鹽同櫻花蝦可以自己加埋一齊食，但有D乾。
燒雞中翼配廚師秘製醬汁$32
燒大啡菇$26
燒蒜辣墨汁花枝腸$28
基本上燒物味道比較普通沒有特別，唔係太濃味，感覺比較健康，當送啤酒都唔差。
白鱔煲仔飯$168
一定係我食過最貴嘅煲仔飯，落足料大大嚿白鱔非常厚實，肉質彈牙都幾鮮甜。
其實呢間居酒屋都幾特別，屬於香港少有，有各類啤酒同清酒，裝修又有特色，只係位置比較偏。
