餐廳設計灰木色暗色調為主配上彩色丼飯更加突出，我地都叫左兩個丼飯加個小食。😋點餐後隨即送上麵豉湯味道不過不失喇👌
我今次點左四重火山盛丼🌋，一睇到已經覺得好吸引，有大大份海膽深淺不一，三文魚籽，松葉蟹肉，當然唔少得火山般高嘅吞拿魚拖羅蓉，海膽食落口即溶夠新鮮，三文魚籽一咬好多汁送飯一流，吞拿魚拖羅蓉好有口感鮮味，好有層次感。😍😍😍
我男朋友點左個三重大極上丼，望個樣都好夠排場，上有海膽下就有厚切拖羅片包圍住，而側邊就有松葉蟹肉圍邊。😚拖羅都有7,8塊好足料，咬落去啖啖油脂香味，好肥美。海膽淺色好鮮甜加埋松葉蟹肉撈飯，讚👍🏿不過呢個飯比較多，仲可以加埋飯素調味。🥰
最後小食炸魷魚🦑外脆內軟好咬口，再點埋他他汁中和返少少熱氣感，自我感覺良好🤣
