映月 (Closed)

今日同屋企人去了一間日式串燒餐廳到食飯，餐廳叫做映月，位於銅鑼灣，地鐵站一出嚟，行一陣就到，地點都算便利👍🏻餐廳面積都算大，坐位非常闊落，坐得非常舒服。裝修方面，餐廳好多日式裝飾，令人有如置身日本一樣的感覺。支豆及前菜 - 支豆咸咸哋，作為前菜非常好。 牛蒡， 醃製得非常入味，爽口又唔太硬，食完非常開胃。麻醬秋葵 - 秋葵非常健康，加上麻醬，更容易入口😋雜錦刺身 - 三文魚好新鮮，魚脂分布平均。油甘魚利身好大件，而且魚油味好香，在口腔停留了一段時間才消失👍🏻明太子雞翼 - 新鮮即製，色香味俱全。咬落去，啖啖肉，令人愛不惜手。烤番薯 - 烤得剛剛好，又甜又軟的番薯好味到停唔到口。慢煮羊架 - 呢個菜我覺得係必點，太好味。慢煮嘅方法，令到羊肉非常鬆軟，入口即溶嘅感覺。羊肉嘅味道充斥着整個口腔，太美味了👍🏻湯烏冬 - 食咗咁多好味嘅食物，要食返碗湯烏冬去去口腔的食物味道，亦可以令我更加飽肚。烏冬配上上湯，非常好味。