日嚐

Open Now

Now Closed

返香港食第一餐當然要食日本野，仲適應緊時差緊係食啲簡單又易入口既comfort food啦，日式家常便飯就最適合！黎到黃埔附近既日嚐食中午，餐廳外面係日式清新木條風格，入到去雖然細細既鋪頭但坐滿人，檯面放滿一小碟一小碟既日式料理，好期待。坐低用QRcode 下單方便快捷，午餐套餐有小食，主餐，烏冬或蕎麥面，仲有飲品。第一份揀左銀雪魚西京燒，配豬骨湯烏冬，仲有西柚紫薯沙律。銀雪魚皮脆肉滑，白雪雪既魚柳好入味，係日式甜甜哋既味道，配啖滑嘟嘟既烏冬好味道。不過真係有啲多骨，食既時候要好小心。第二份係BBQ鴨胸肉配木魚清湯烏冬，BBQ醬濃味鴨胸肉嫩口，木魚湯簡單食完舒服。怕烏冬唔夠味可以追加明太子，會用小碟另上，配烏冬好正。