日式牡蠣放題優惠，食物包羅萬有
放題系列嘅牡蠣，有好多款烹調手法料理：
酸汁啫喱煮廣島蠔（凍食），上面舖滿大大粒嘅魚仔，配上大大隻又新鮮廣島蠔，肥美鮮甜，咬落去口感好得意，好juicy!
芝士焗生蠔，芝士嘅香滑配以生蠔嘅鮮味結合，提供豐富嘅味覺享受，鮮美嘅海鮮味配合豐富口感層次 ，CP值極高。
燒汁香煎廣島蠔，外皮煎得微脆， 入面又保持住軟滑多汁，鮮香十足。
牡蠣茶漬飯，食嘅時候，我會拌勻再連湯一齊飲，湯汁好鮮甜唔腥，好濃蠔味，暖笠笠真係好好味。
廣島蠔大阪燒，鍾意佢香濃既風味，特別係蠔嘅爆汁鮮味！鮮嫩多汁嘅廣島蠔搭配豐富配料椰菜，無得頂！
日式吉列廣島蠔，炸得金黃脆口，蠔鮮味又飽滿，粉漿夠薄，食落仲有鮮甜味，好驚喜！
除咗蠔之外、
仲食咗大蔥清酒煮蜆（鍋），清酒嘅微甜加上蜆肉鮮嫩嘅滋味，完美配合！每隻蜆肉充滿濃濃嘅酒香，簡單啲調味保留到原始嘅鮮味。
牛肉壽喜燒，牛肉片薄切均勻，入口柔軟中帶有細緻咬勁，原汁原味，香氣四溢！
燒秋葵串：口感爽脆，烤到啱啱好，保留秋葵嘅鮮嫩口感。
牛舌串：搭配煙烤嘅香氣，爽口彈牙！厚切牛舌外焦內嫩，裡面肉質粉嫩，Q彈爽口。
炸大腸，保留咗腸嘅肥膏，炸起嚟更香口！好夠味
燒魷魚，魷魚肉幾厚身，彈牙鮮甜，火候啱啱好！
