牛惣居酎屋

Open Now

Now Closed

今日跟朋友搵食，朋友帶我去銅鑼灣呢間~牛惣居酎屋~日式牛串燒及燒酎專門店。叫得做牛肉串燒專門店，梗係以牛為主題，有好多出面好少見既牛内臟串燒。牛骨髓，成串骨髓，又滑又重牛味，配埋啲蘿白落食就唔會膩。好多都係第一次食👇好爽口牛大腸。牛小腸爽口，但比牛大腸彈牙。牛第4個胃牛沙瓜，呢個我好鐘意。牛橫隔膜，仲要每串有唔同口味，芝麻、燒汁、芥末、蒜蓉蔥，正。牛舌好厚身，超肥美。除左牛其實都有其他好野食既，原條好有氣勢蓮子鵰，啖啖肉。超脆口雞皮，Juicy 大啡菇同豚肉秋葵卷。食串燒梗係要叫返杯酒飲下，呢度自家釀既果酒都係個好好選擇。食埋海鹽味雪糕，滿足。