盛八日式火鍋放題店 (Closed)

近年香港飲食界放題化，加上和牛被譽為高貴食材之一。在超市買一小盒都要百幾二百元。所以我就寧願光顧和牛放題，今人和朋友在旺角睇完戲，到了一間樓上舖，叫盛八的日式火鍋放題店。上到樓，門面裝修極具日式風格。火鍋有3種收費選擇，有美相伴就更係(陳豪)D，選了$378，叫日本極上飛驒和牛放題，時間為90分鐘，肉類放題包括日本極上飛驒和牛、澳洲貴族和牛、美國特選牛肩、美國進口牛肉和嚴選豚肉。湯底選了黑蒜豚骨濃湯。既然放題，集中食前3款。美國特選牛肩，肉質實肉味濃，極有口感。澳州貴族和牛，脂肪少肉質鮮嫩，牛肉味濃郁，彈牙可口。好味！日本極上飛驒和牛就無得彈，脂肪分佈均勻，有如雪花，放入口即溶(脂肪)，牛味無澳牛咁重，但個種油而不膩感覺，久久在口腔中盪漾，百感一絕。叫多一轉已值回票價。加上有刺身和多款小食，打邊爐必配料。小食就螺仔肉是我鍾愛，重有甜品和雪糕，我個人就推介木糠布甸。臨走時店員通知我遲有款新湯底，食日本極上驒和牛時，配合得天衣無縫。食多D都唔怕膩，下次一定要試。