日牛涮涮鍋專門店 (Closed)

前排同朋友係旺角朗豪坊行完街，諗住搵個地方食下野傾下計，見到呢間火鍋貌似唔錯，膽粗粗就入左去試下。坐底左就揀左涮涮鍋，湯底都有幾款，最尾揀左胡椒和牛清湯，但係味道一般唔夠濃。揀完湯底就揀肉，揀左最平果個日牛，味道都唔錯，仲可以添食。牛肉同豬肉都好新鮮，望落都幾靚仔，切得薄所以好快熟。除左肉類之外，其他食物都係自助，主要係以菜類/丸類/麵食為主。推介芝士丸同墨魚丸仔，不過丸類時有時無，次次去都唔同丸類。仲有自助乳酪，質素都唔錯。Overall,食物味道唔錯，而且一人一個鍋，唔洗驚筷子打架！餐廳環境唔錯，坐落都幾舒服。不過90分鐘火鍋放題，真係會準時叫你走，坐多陣都唔得(即使無人等位)。