Video
Read full review
2021-11-09
302 views
日本嘅洋食，其實係日本改良版嘅西餐。同香港嘅豉油西餐差唔多，味道偏向合乎當地人口味。例如肉食配米飯，味噌湯，咖啡。當中洋食以炸，燉嘅烹調居多，相對日式料理嘅清淡，洋食味道濃郁好多。Grill Tajimaya 係和牛漢堡專門店，做得專門店當然係「味自慢」啦！佢嘅和牛漢堡出名入口鬆化爆肉汁。仲有幾款醬汁選擇。吞拿魚牛油果他他（$129）牛油果同吞拿魚口感相似，味道都非常融合，感覺食咗好多吞拿魚咁，可惜味道偏淡，如果個醬汁多啲就好喇。清新自家製和風醬汁配紫蘇大根 （$189）醬汁甜甜哋，口感清爽，配紫蘇大根，可以減脂減膩。和牛漢堡好入味，配飯一流。日本產黑毛和牛漢堡扒配烤炙波特大蘑菇 （$189）係秋季限定料理，大蘑菇菇味好濃，本身就係一塊素扒，再加肉味香濃嘅和牛漢堡，肉香四溢，雙倍享受。跟餐配雜菜，烚薯仔，其實唔駛另加飯或者麵包都夠飽。當然加埋就更滿足啦！建議跟飯比跟麵包好啲，麵包烘成多士偏乾，而且同漢堡扒唔多夾。😅整體係好食嘅，雖然係貴咗少少。環境舒適，適合孤獨的美食家，二人甜蜜蜜。枱與枱之間隔得比較開，人多要傾計就唔係咁方便喇。而服務都好貼心周到。Grill Tajimaya
Grill Tajimaya 係和牛漢堡專門店，做得專門店當然係「味自慢」啦！佢嘅和牛漢堡出名入口鬆化爆肉汁。仲有幾款醬汁選擇。
吞拿魚牛油果他他（$129）牛油果同吞拿魚口感相似，味道都非常融合，感覺食咗好多吞拿魚咁，可惜味道偏淡，如果個醬汁多啲就好喇。
清新自家製和風醬汁配紫蘇大根 （$189）醬汁甜甜哋，口感清爽，配紫蘇大根，可以減脂減膩。和牛漢堡好入味，配飯一流。
日本產黑毛和牛漢堡扒配烤炙波特大蘑菇 （$189）係秋季限定料理，大蘑菇菇味好濃，本身就係一塊素扒，再加肉味香濃嘅和牛漢堡，肉香四溢，雙倍享受。
跟餐配雜菜，烚薯仔，其實唔駛另加飯或者麵包都夠飽。當然加埋就更滿足啦！建議跟飯比跟麵包好啲，麵包烘成多士偏乾，而且同漢堡扒唔多夾。😅
整體係好食嘅，雖然係貴咗少少。環境舒適，適合孤獨的美食家，二人甜蜜蜜。枱與枱之間隔得比較開，人多要傾計就唔係咁方便喇。而服務都好貼心周到。Grill Tajimaya
Post
