極上帝王水產

Open Now

Now Closed

每次同女朋友食野，基本上都係我話事，因為我地兩個既口味十分相近，海鮮就一定係我地既首選。餐廳裝修都幾特別，用左好多唔同的日本地方插畫，例如大阪的招牌地標蟹道樂，立馬增加左唔少日式風味。聽講呢度最出名係食蟹，所以我地點左好多蟹料理，一嚟到就食左個蟹鍋，已經值回票價，而且好少見放題有無限蟹蓋任叫，對於鐘意食蟹的人嚟講簡值係天堂呀！另外一點值得讚既就係上菜速度夠快，我地落完單之後大約五分鐘內就上到菜，而且點左既都有嚟，好少漏單，抵讚。除左蟹料理之外，芝麻雞翼都十分唔錯，雞翼唔會煎得太燶，香口之餘又保留到雞肉的鮮味，另外，呢度既炸物亦整得十分出色，幾推薦。總括嚟講，呢間放題基本上應有盡有，如果鐘意食海鮮放題的朋友不妨一試啦。