Video
Read full review
2018-05-09
73 views
寫食評就係寫食評，廢話不多，直接入肉。環境氣氛:北海道爐端燒係亞士厘道上樓舖，位置方便。餐廳裝修有日式風格，背景播住日本POP MUSIC，食飯時絕對感受到日本氣氛。而每張桌子距離算OK，坐得算舒服。環境氣氛感覺輕鬆，適合朋友聚會。服務態度:打電話訂位時語氣一般，但冇咩問題。是次星期日去食，餐廳食客不多，其實唔訂位都唔使等。叫餐時侍應服務態度正常，冇咩特別。值得一讚係我話佢地個牛舌好韌食唔到，侍應即話幫我取消，態度大方同RESPONSIVE。食品味道:食物份量偏細，兩公婆叫了十四碟菜才剛剛好。爐端燒就叫了推薦1) 甲羅燒同 2) 燒鮑魚仔。侍應端上食物後自己燒，當然佢會簡單教吓您點燒。爐端燒材料算新鮮，調味亦可以。燒物就叫了 3) 燒白只、4) 雞泡魚干、5) 明太子雞翼、6) 蓮藕、7) 番薯、8) 大蔥雞肉、9) 豚肉同 10) 牛舌。燒物水準不錯，特別係蓮藕同番薯燒得好好味，值得推薦。但白只就不吃也罷，太乾同冇鮮味，牛舌更加韌到咬唔開。壽司叫了11) 鰻魚壽司、12) 甜蝦壽司、13) 海膽壽司同 14) 油魽魚壽司。壽司整體好正，魚生新鮮大件，一啲都唔孤寒。唯一要講的就係手握壽
環境氣氛:
北海道爐端燒係亞士厘道上樓舖，位置方便。餐廳裝修有日式風格，背景播住日本POP MUSIC，食飯時絕對感受到日本氣氛。而每張桌子距離算OK，坐得算舒服。環境氣氛感覺輕鬆，適合朋友聚會。
服務態度:
打電話訂位時語氣一般，但冇咩問題。是次星期日去食，餐廳食客不多，其實唔訂位都唔使等。叫餐時侍應服務態度正常，冇咩特別。值得一讚係我話佢地個牛舌好韌食唔到，侍應即話幫我取消，態度大方同RESPONSIVE。
食品味道:
食物份量偏細，兩公婆叫了十四碟菜才剛剛好。爐端燒就叫了推薦1) 甲羅燒同 2) 燒鮑魚仔。侍應端上食物後自己燒，當然佢會簡單教吓您點燒。爐端燒材料算新鮮，調味亦可以。
燒物就叫了 3) 燒白只、4) 雞泡魚干、5) 明太子雞翼、6) 蓮藕、7) 番薯、8) 大蔥雞肉、9) 豚肉同 10) 牛舌。燒物水準不錯，特別係蓮藕同番薯燒得好好味，值得推薦。但白只就不吃也罷，太乾同冇鮮味，牛舌更加韌到咬唔開。
壽司叫了11) 鰻魚壽司、12) 甜蝦壽司、13) 海膽壽司同 14) 油魽魚壽司。壽司整體好正，魚生新鮮大件，一啲都唔孤寒。唯一要講的就係手握壽司啲飯有啲鬆散，但可以接受。
食評總結:
是次同兩個人食左 HKD 1100。以性價比衡量算正常合理，但不如其他食評話得咁抵食。食物質量算十分新鮮，但不是優質貨色。特別推介壽司、明太子雞翼、蓮藕、番薯同 大蔥雞肉。
Post
