千賀水產の鮮鍋道場 (Closed)

朋友介紹觀塘廣場開了千賀水產，早前到過銅鑼灣食已好回味，見觀塘開了，一定要再試。火鍋放題，一入到餐廳，已見到一大個火鍋料區，沿路再見到熟食熱盤，繼而再見到一排飲品雪櫃。坐下來後，先點了火鍋湯底，隨後店員再送上四人份量的刺身拼盤，雖然是放題，但所有海鮮食材都好新鮮，絕不馬虎，尤其是牡丹蝦，超大隻，果然重質又重量。火鍋湯底叫了龍蝦湯底，每人配給有生猛海鮮拼盤，有多達七款生猛海鮮，有新鮮蠔、鮑魚、海蝦、魚片、大隻蜆和蚌。原隻濃蝦湯底，好多材料，還有粟米。龍蝦肉質彈牙；新鮮扇貝同蜆，超大隻，夠鮮甜。到自助餐區，分佈平均，方便拎野食，而且款式都多，熟食的菜色都好有誠意，有青口，熟蝦，炒蜆，即切牛肉片，炸茄子和蟲草花炆雞等等，有酒店款式的1/3。最正係有中式點心，一籠籠新鮮蒸，可以滿足了老少咸宜。還有水吧，飲品及甜品雪櫃種類繁多，應有盡有。平日晚上每人$278 加一，再追加埋龍蝦湯底$80也算絕對超值。