大喜家日本料理 (Closed)

其實大喜家由佢開業到依家，我都食過兩三次，朋友好早期話佢抵食、新鮮，我地都覺得係，價錢適中，唔會話將價就貨，所以有時我地諗唔到食咩，都會揀去大喜家食~今日上到去，發覺啲點菜紙唔同咗，以前成本，依家一疊疊~~而且好似轉左食物，有啲一向覺得好味嘅都重有留低，另外就加咗新嘢吉列炸蠔，呢個真係去親都要食，熱辣辣，炸漿又唔係太厚，雖然隻蠔唔會太大，但係……都好有蠔味~辣味炒蜆……好夠辣，唔食得辣嘅，要考慮吓叫唔叫嚟試雙色蟹籽沙律……其實都係蟹籽，無乜分別~~芝麻沙律醬菠菜……好味，大少之後再Order多次……但係無嚟到，佢好唔開心XDXD芝士薯波……原來係薯波上面灑啲芝士粉，但係好耐無食過呢啲炸薯波，好Old School刺身當然唔會少喇，重好有氣勢添……我最愛係赤貝、甜蝦，呢兩樣嚟到呢到係必食