大喜屋

Open Now

Now Closed

前排朋友仔生日去咗呢度食放題～ 餐廳位於沙田廣場，主打多款日式料理，刺身、壽司、手卷、天婦羅、炸物、串燒、燒物等等，出面仲有大大個前菜、熟食、甜點同飲品櫃任食任飲😙 午市三小時，晚市就兩小時，環境闊落，價錢合理，值得回訪🤤刺身賣相精緻，油甘魚、劍魚腩、希靈魚、赤貝、帶子等，私心推介三文魚同阿根延赤蝦，肥美鮮甜，新鮮又好味～ 壽司同手卷都唔錯，火灸類燒得啱啱好，必點芝士燒大蝦、蜜糖芥末醬燒赤魚同三文魚皮牛油蒜香燒，值得一讚嘅係壽司飯份量超少，唔怕食唔到其他嘢，十分貼心🙈另外有幾款創意類可以留肚試試，例如芝士鰻魚玉子燒、芒果龍蝦沙津塔、鵝肝同帶子拖羅蓉塔，會話搭配特別而且出面都真係未見過🤭 炸物款式比較普通但勝在味道唔錯，芝麻雞翼外脆內嫩、炸鮮奶，貓山王，香芋圓皮脆餡多、天婦羅蝦夠鮮但炸粉較多，試試無妨😃串燒同燒物反而有驚喜，做到貴價居酒屋嘅水準😋 推介爆汁嘅燒菠蘿、脆口嘅雞軟骨同雞翼、嫩滑又啖啖肉嘅比目魚、鰻魚同鯖魚🐟 呢度仲有中式酒樓feel嘅小菜，例如乳鴿、大蝦球、花膠、避風塘魷魚，絕對滿足到大家視角同味蕾嘅享受，性價比甚高！自助區都有好多美食，自家製甜點甜度適中、豪華雪糕任食唔嬲、