大滿喜日本料理 (Closed)

尋日約咗二個朋友一齊去食放題，因為真係好耐冇食過啦。第一次入觀塘食放題，我哋book咗六點鐘比預期遲咗少少但係服務員都好有禮貌照俾我哋入去。首先，我哋主打係刺身，服務非常之好我哋order嘅食物全部準時到齊而且個刺身排得好靚我哋不停係咁影相，推介三文魚同埋蝦刺身，三文魚肥美新鮮度有四粒星而蝦都夠大隻！ 另外推介嘅就係有燒菠蘿同埋蟹粥，蟹粥有足足一隻蟹腳同埋啲粥都煲得好綿好入味👍🏻👍🏻👍🏻燒菠蘿厚度足夠而且好甜😘最後就到重頭戲，<甜品>雖然甜品嘅選擇唔多但係我哋揀咗三款首先就係朱古力糯米糍, 法式焦糖布甸 仲有楊枝甘露布甸份量適中, 三樣都係好好味! 朱古力糯米糍真係一試難忘，一定一定要叫！因為太好味嘅關係朱古力糯米糍我哋叫咗兩round 🤣🤣🤣相比起旺角銅鑼灣嘅放題身處於觀塘嘅大滿喜真係一個好選擇，座位寬敝坐得舒服，下次有人生日、一大班人gathering，真係可以再翻兜! 一定會再返黎！