大瀛喜日本料理 (Closed)

消費券落左來梗係要快滴去食好西啦，今晚趁加班有同事陪，2個人收工之後一齊去食放題今日近近地來到旺角呢間放題，聽講大瀛喜放題都算性價比比較高既，一於過來睇下距咩料。因為無book檯，臨時入來就被安排到左比較邊的位置，又或者可能係因為實在太多人，五係週六日都甘多人，食物質素可想而知其實都幾好。來食放題肯定要點刺身先既，刺身種類都好多，虎蝦刺身都有添，食落感覺好新鮮，無腥味，刺身算屬於中上水平了。黃金大蝦即使外面裹蛋黃炸都可以食得出滴蝦係新鮮既，因為滴肉都實。開邊蝦係另一種做法，有滴甜味，都新鮮好食。蒜蓉燒扇貝，蒜蓉味五算重，味道偏淡。個一口牛味道都算OK,牛肉五韌。魚湯菜苗有少少腥，都可以接受既。呢個燒菠蘿真係好好食，好甜好juicy,之後仲叫左幾份。其實仲有好多野食，創意壽司味道都五錯，總體來講係性價比較高的日式放題，可以再來。