冬天今晚想食一碗暖暖既麵，簡簡單單咁，見到呢間拉麵店好吸引！日本過江龍，用蠔做拉麵湯底、做野食，我本人都好鐘意食蠔，但就未試過蠔融入係日本拉麵店度！見到menu，拉麵款選擇唔算多，好容易落到決定！一定會叫既係招牌：牡蠣鹽味拉麵
牡蠣鹽味拉麵先飲一啖湯，真係好濃厚既蠔味，唔係咸既味精味！正！拉麵好掛湯，加有好多配菜/蔥粒，增加成個麵口感，做到清新唔油膩，好有層次！可惜麵量唔算多～好想再食多點
醬漬牡蠣一口飯一上枱已經賣相好吸引，聞到好香嘅蠔味，醬漬蠔味有點似金蠔氣味。一入口蠔好嫩滑之餘，帶有好creamy 好濃郁蠔味，比生蠔香，但唔腥，原來熟嘅蠔都可以做到入面內軟嘅口感，醬油已經入晒味，咁做法仲好食過生蠔！加埋飯同紫菜夾住咁食，冇得輸！
煙燻黑椒豚骨拉麵豚骨湯好creamy，豚肉好嫩，黑椒味唔會好濃冇蓋過豚骨味～
