牛舞日本燒肉‧涮涮鍋放題 (利舞臺廣場)

Open Now

Now Closed

今日約咗朋友係銅鑼灣利舞臺廣場行街，順便食個飯☺️，見到呢間牛舞日本燒肉‧涮涮鍋放題，好似幾正，於是試下🤩 食放題點少得刺身，於是就叫左三文魚、鯛魚、希靈魚、北寄貝、墨魚、日本甘蝦、帶子、八爪魚，種類算多，全部刺新都極度鮮甜，完全一啲腥臭味都無😍😍😍最值得都讚嘅就係三文魚刺身，油脂分布比例完美，入口即溶，魚味香濃，讚👍🏻👍🏻👍🏻 燒肉方面，餐廳真係超級好，送左個牛舞拼盤比我哋試，入面有唔同部位嘅牛，每一個部位都先有特色，但同一重點都係牛味超重，口感軟腍，非常好好食😋😋😋而我地重點叫咗澳洲牛腹肉，呢個部位好正，油花非常豐富，肉味濃郁，口感軟滑，誠意推介🤩🤩🤩炸物叫左天婦羅茄子、冬菇、南瓜、野茶同雞軟骨肉棒餃子。全部食物都係即叫即炸，熱辣辣，好脆好新鮮，完全沒有油膩感。雞軟骨肉棒餃子口感豐富特別，外皮卜卜脆，內裏肉汁豐富，juicy🤤🤤🤤面食就叫咖哩牛肉撈烏冬。烏冬做到掛汁效果，咖哩味道偏甜。總括而言，呢間放題食物質素唔錯，期待下次光顧😍😍😍