今和壽司 (Closed)

難得今日有野要俾個朋友，約咗佢出嚟見吓順便食個飯啦🤗。佢話想食日本野，所以我揀咗呢間。咁睇個門口，好有啲日式居酒屋既感覺。我睇過話呢度有啲好特式既食物，所以我都好有興趣去食下🥰。餐牌都好多野揀，又有刺身，壽司，卷物，定食。我頭先話呢度特式既就係佢個Pizza同啲特色既卷物。先黎食左個明太子雞翼做小食，一咬開全部都係明太子。又多又香濃既明太子，配上雞油既香，真係好好味！之後就到個特式卷物，呢個叫午夜牛郎，係個炸既卷物。我真係第一次食炸既，食落又唔油膩，牛油果同三文魚都好香口。之後就叫左兩款壽司，油金魚同左口魚都係我至愛。呢個油金魚又鮮又肥美，好重魚香。左口魚就更香油份，火灸左之後仲香口，加上有黑松露醬，成件事好match。最後呢個鰻魚Pizza，原來個pizza底係白飯再炸脆。配上來又唔覺好肥，一舊一舊不停食🤤。原來佢仲有好多酒類飲品，最衰今次唔飲得，下次一定要試吓先。