百川居酒屋 (Closed)

芝士年糕大大件, 有做吸油, 外皮小脆, 芝士比較多, 會比較濟.和牛串, 油花味不算重, 而家和牛太多, 不同品種同Grade都係叫和牛, 澳韓日都有和牛, 呢隻油花味不重, 初步估就唔係a5~a2, 肉味偏清淡,口感十分軟, 串燒黎講燒既火侯岩岩好, 唔會過火, 師傅技術不錯,牛柳串燒, 牛柳肉味反而比和牛重小小, 但係口感都係和牛優勝, 偏硬返小小, 但都係好食, 如果中意食牛味重個d可以選牛柳, 小小乾.豬腩串, 呢個反而幾好食, 加左蔥落去反而香左好多, 火侯控得好好, 其中一件燒既程度比較均勻, 豬肉本身無咩味,但呢個加左蔥去同黑椒落去加重左小小味, 但又唔會過濃, 帶到豬本身偏油既香味+小小調出黎既味, 串燒我覺得整得最好係呢個.當然整體串燒都唔差!咖哩烏東, 同我想像差不多, 不過呢個係撈既, 之前個個係溝淡左既日式咖哩湯, 呢個相對會濃小小,汁無咩太大問題 比平時開出黎個d甜小小, 應該加左洋蔥既問題, 吉烈豬皮反而我覺得炸得差小小, 份量夠多!服務好, 店坐得舒服 , 環境無問題!價錢不算貴!