爆人氣自選便當 $75
前菜、主食、壽司、主菜、甜品樣嘢都可以揀最鍾意款式，大部份係基本選項唔使加錢，少部份加幾蚊可以食靚啲。
七味燒豬頸肉雖然得五件，但全部都大大條好厚肉，咬落爽口唔會韌亦唔會太油；轉咖喱飯唔使加錢，日式咖喱甜甜地仲有大量蔬菜粒！劍魚壽司以非連鎖街坊店嚟講算唔錯幾鮮甜；軟綿綿忌廉卷蛋冇得自己揀味，出咗原味軟綿綿忌廉幼滑好好食
自選4款刺身丼 $88
香蔥拖羅蓉 +$5、油甘魚+$9、劍魚腩+$9、珍寶赤海蝦，全部都可以自己揀最啱心水，四款都好高質
QR code落單好多加配選擇琳瑯滿目，福岡濃厚抹茶蛋糕 $32抹茶超濃香！三文魚味噌湯 $9 天氣轉涼，飲啖熱湯勁舒服，黃金吉列廣島蠔$22 得兩粒偏細隻，但炸得酥脆好唔錯
