鳴門割烹料理 (Closed)

環境舒適，光猛開揚，真係一個good start of the day。放假起身第一餐，唔想去飲茶，想食好d又豪d，俾我搵到呢間日本餐廳享受下，種類都幾多，價錢唔太貴，成交!刺身有三文魚，油甘魚，八爪魚，鯛魚及甜蝦共五款，串燒有冬菇，必食既雞軟骨，厚切牛舌同七味魷魚鬚。仲有多款小食，壽司，飲品......定食可選一款，揀左安格斯牛排份量相當大份，total有成三大塊，肉質非常嫩滑，相當有牛味，用上了燒汁，非常入味，另外仲可以點下蜜糖芥末醬，可以解下油膩感。 刺身拼盤，擺盤得好有清新既感覺，又係係時候影相打卡，三文魚片色澤鮮艷，食落去好有甘香既魚油味，食指大動!精緻既自家明太子玉子，好有蛋味，明太子同玉子味道好相配，十分美味。七味魷魚鬚，肉質彈牙，魷魚鬚size剛剛好，好惹味，推介!一餐唔可以食太多紅肉，都要食多d白肉架。