菊月町 (Moved) New Location

生日老婆發辦，帶我去菊月町食好嘢，平時間唔中都會買外賣，剌身質素不錯👍🏻。今次老婆大破慳囊，訂了厨師發辦，不得了！今次不得了！全部包括剌身、漬物、壽司、烤肉（龍蝦、無茸、和牛），丼飯共二十度菜左右！季節限定鱈魚籽作為前菜，潤滑鮮甜味美，成功帶領我們進入大觀院，接下來一道一道美食，目不暇給！各式剌身魚貫出場，有鰹魚、鰤魚、灸燒拖羅、金鯛、金目鯛...... 配以岩鹽海鹽、加上檸檬🍋柚子或日本豉油......提鮮，配搭得宜，師傅功架十足，也是藝術家👩‍🎨！燒物如芝士龍蝦，師傅技術到家，蝦肉鮮甜Q彈，芝士味恰度，互相輝影，真係超級美味！其他如舞茸燒，和牛都好好味！壽司如拖羅蓉配炸米，口感層次豐富，海膽丼質量奇佳，奧米葛！厨師主動介紹各種剌身名稱和調味方法，一道又一道色美俱存剌身壽司和燒物，實在引人入勝！服務人員熱情有禮，令到整個飲食體驗更完美！多謝晒！