塚田農場 (Closed)

某日同朋友黎到APM商場，入面有好多餐廳選擇，今次黎到呢間門面好日式和風格調既餐廳，餐廳用左木質裝飾，俾人一種日系既感覺，而且座位舒適，用餐只需qr code自助落單快捷方便，我地揀左一碟炸雞，炸雞都好多件，而且肉質都幾嫩滑，朋友揀左一個鐵板雞肉蛋炒飯，鐵板上既炒飯熱辣辣，加埋蛋攪暈一齊食都唔錯嫁，另外我地仲叫多左一塊燒魚，魚皮燒至香脆，魚肉肉質鮮嫩好滑又唔會好多骨，不過如果可以再大塊d就更正啦～如果想打邊爐呢度都有供應打邊爐一人一鍋嫁。