燒鬼 (Closed)

燒鬼係屬於比較High end嘅日式放題，雖然價錢貴少少，但食物種類款式有好多，無論前菜、壽司、刺身、沙律同埋嘢食等等都一應俱全～講返最重點嘅燒肉，A4和牛都有多款部位可以選擇！另外仲有豬肉雞肉同埋海鮮等等。真係好多選擇㗎！首先前菜我就食咗泡菜豆腐、中華海蜇同埋支豆～全部都幾好食，中華海蜇就有啲偏鹹，撈飯食比較適合之後刺身我哋就食左山葵漬榮螺片，呢個強烈推介呀！螺片好有咬口又甜～刺身仲食咗帶子、三文魚、鰹魚同埋甜蝦，都非常之新鮮～壽司都食咗兩款，柚子火炙帶子壽司，鰻魚壽司🍣同埋柚子和牛壽司，燒一燒左個面好香～A4和牛食咗多款部位，好多款油脂都比較多，個人最喜歡上小排肉，肉質瘦少少，有入口即溶嘅口感～之後仲叫咗廣島蠔、海蝦、牛油帆立貝，海鮮來講就不過不失啦。牛油雜菇同埋日本番薯仔都非常值得推介～最後我仲食咗個三文魚茶漬飯添....呢個放題真係性價比高，服務又貼心，真係非常滿足！飽到拖住個肚走...