古今二 (荃灣千色匯I) (Closed)

荃灣食店種類選擇多，今日行過見到呢間古今二幾多人係外面等位，決定食埋一份😄等咁十幾分鐘，終於有位~想食嘅朋友記得book位！一打開個餐牌真係好多選擇，有卷物、 刺身、鍋物、沙律， 甚至連串燒都有~🌠古今卷物盛一盤就可以試到幾款壽司卷：加州卷、鰻魚牛油果、卷費城卷、煙花卷( 辣味三文魚&吞拿魚)真係好豐盛！煙花卷最特別~ 辣味三文魚融合吞拿魚， 三文魚油脂豐盈再配肉質綿潤嘅吞拿魚真係好似個名煙花一樣，入口即溶！ 🌠火山外表就如火山一樣，入面既料真係好足料：青瓜、牛油果、蟹柳帶子！ 上層鋪滿燒過經調味後嘅蟹柳、蟹肉同帶子，食落啖啖蟹肉味而下層有清新嘅青瓜同牛油果~無諗過口感係咁夾，😜🌠 黑豚荔枝捲串燒一咬落去，入面竟然有荔枝肉😆食落口感較軟，酸酸帶甜嘅味道！而豚肉肉汁慢慢滲出嚟，油而不膩😜🌠 日式麻醬豆腐沙律份量好大份，蔬菜好新鮮，上面放滿超滑豆腐，再配超多麻醬真係好正！的確係健康之選😜🌠 雞泡魚乾呢款推薦！食雞泡魚乾最怕燒得太乾令到又硬又乾爭爭，但呢間完全唔會！ 雞泡魚帶有少少甜香，食落軟硬適中，真係好想配杯啤酒😜🌠 網燒牛舌牛舌軟厚同大片，牛舌肉質嘅口感鮮嫩，第一口嚐到油脂，但無油滋滋