The ALP @ Lounge Hakuba (Closed)

星期日想relax下簡簡單單食個lunch。呢度環境唔錯，坐得幾好！ 星期日都有Set lunch $128，配料上都有一半款式要另外加錢～日本昆布湯手打烏冬+$10口感唔錯，但好細碗份量偏少，怕唔唔飽嘅人建議叫飯😛柚子醋沙律-沙律菜幾新鮮、清新，有少少柚子醋。秋葵醬油漬秋葵幾爽口，有少少調味，幾健康。三文魚籽炒滑蛋面上有少少三文魚籽，炒蛋充滿牛奶味道。厚燒牛舌芯+$18以為係日式嘅燒牛舌，原來係好似汁煮風嘅牛舌燒過咁。牛舌好厚身。西京燒比目魚+$28西京燒汁味道香濃，配飯食幾夾。