「燒烤堂」終於係旺角開返！終於唔洗等威達商場條死人lift🤧新開呢間裝修grand好多之餘多咗好多新品！！！仲要都幾好食！
我哋點咗多款菜式，味道真係有驚喜！
鹽燒三黃雞腿肉($28) 同鹽燒雞中翼($20) 燒得外脆內嫩，鹽香清新，雞肉軟骨棒($36) 配月見蛋，軟腍入味
🫶🏻牛舌拖羅($48) 同牛舌芯($28) 嫩滑鮮甜，拖羅嘅油花尤其吸引 😋
蒜蓉燒廣島蠔($48)🦪 蠔肉鮮甜，蒜香濃郁，而蒜香牛油酒煮蜆($68) 🍲湯汁美味，蜆肉又飽滿
🫶🏻鹽燒白鱔($48) 同日式燒白鱔($48) 各有特色，清新同甜醬味都正！
🫶🏻蟹肉芝士最中餅($48) 芝士拉絲同蟹肉混搭香濃，入口個下真係驚艷到！
🫶🏻和牛棒($58) 配松露一口飯，好香松露味，而且和牛油脂量夠，配合得啱啱好，質素高！！鰻魚炒飯($58) 粒粒分明，鰻香撲鼻
燒芝士年糕($28) 除咗年糕仲配埋四重芝士汁，暖心又滿足！
食完係覺得整體性價比勁高，而且質素唔錯，推介！
隔離有🫶🏻嗰啲個人覺得係必食！
2
