川大哥

Open Now

Now Closed

深水埗新開川菜#川大哥。位置大概距離楓樹街遊樂場5分鐘路程，坐得舒服，冷氣夠曬凍。唔會食到滿頭大汗!!用QR Code落單，除咗最主打嘅魚鍋之外，食物種類總多元化～有烤魚、火鍋、川式串燒、涼菜等等分哂類。水煮魚(小) $198水煮魚用嘅係生魚片，魚片薄切已去骨。配料方面有芽菜，金針菇等，加多個白飯就啱啱好。除左水煮魚外，我哋仲叫咗啲錫紙燒同串燒，味道亦相當出色!!雞中翼（2串）$39味道同土匪雞翼一樣，燒得雞皮香脆，肉質嫩滑，孜然味十足，好鐘意!!雞腎串（2串）$19鹹香有致，肉質有咬口，加上微辣更惹味！燒雞泡魚干$39呢度嘅雞泡魚乾真係抵食，平時通常都$50至$80不等，呢度30幾蚊就叫到！仲要水準唔失禮，推介！麻辣鴨血$49搭配麻辣調味。鴨血的口感柔軟，帶有一定的彈性～蒜香金菇$49大大份，好貼心有個爐係下面烘住。金菇燒到好淋，好有蒜蓉味，帶有好香蒜蓉味，好食到停唔到口。羅漢果雪梨菊花茶冰粉爽$25羅漢果甜味恰到好處，而每啖既冰粉爽，更使整杯茶飲更有層次感。