日和茶舍 (Closed)

今日帶媽媽黎到尖沙咀日和茶舍，呢到裝修走日本風，簡約裝潢，牆上掛上壁畫，原來係店主既畫作之一，地方寬敞，給人悠閒舒適感覺午餐set由$88起，配有餐湯同前菜，可以揀沙律或者小食，飲品除左基本茶啡之外，仲有花茶，岩哂下午黎chill下☺️前菜沙律都幾大碟，菜唔苦幾新鮮，不過有點太大棵，難食用，而小食就是炸雞，感覺有點似食緊炸雞皮😂餐湯用左杯去盛載，放左一段時間都保持到熱力，湯是粟米南瓜忌廉湯，幾香濃，稠杰度適中原條日式鰻魚旋風蛋飯 $138 7.5/10等待主食都等左一段時間，但客人得兩至三檯，如果可以加速效率會更好👍🏻原條饅魚鋪係旋風蛋上，加上濃濃饅魚汁，飯量亦非常多，用上日本珍珠米去煮，食落少少煙韌，吸埋饅魚汁，係幾滋味🤤鰻魚厚身，冇骨幾好味，蛋可以再嫩滑一點香煎澳洲穀飼安格斯西冷扒配薯菜 $198 7.5/10西冷好香黑椒味，叫左5成熟，切開扒肉汁即流出，肉質粉嫩😋唔難切開，肉口感有少少嚼勁，牛味幾濃，筋位易切走，仲有好香脆薯條同沙律作伴，不錯