大家樂 (Closed)

3月13日, 呵呵呵~ 又係旅行天~!自從屋企附近開咗間burger king之後, 機場嘅burger king已經唔再吸引lu~ 於是我地今日就揀咗好耐無食過嘅大家樂填一填個肚仔先~::: 牛扒腸仔 + 火腿通粉 + 熱奶茶 ::: $24大家樂最standard又豐富的早餐~ 位處foodcourt, 食物同餐具都係求求其架喇. 幸好味道保持水準~ 熱奶茶入口滑溜香醇~ 雖然係比其他大家樂貴, 不過都算係不錯!環觀一眾機場禁區食肆, 最正路又抵食的還是我們本土的代表.