太耐冇得去旅行啦
. 唯有去有旅行主題既餐廳感受返去旅行既興奮心情, 重點都係要去食嘢
, 今次搵到一間係尖沙咀既旅鍋火鍋私房菜專門店, 由落樓梯到入門口都勁似行緊去機艙大門, 一入門口就見到出境指示牌, 扶手梯, 真係好正
, 餐廳牆身有好多唔同國家既主題, 好靚
, 見到坐位多數都係圓枱, 最少都四個位, 如果多人聚會黎呢度就啱晒啦, 加上打邊爐緊係越多人越開心
見到餐牌湯底有好多好特別既選擇, 樣樣都想試下, 諗佐好耐最後揀佐萬州烤魚, 無諗過份量咁多, 啲芫茜好新鮮好食到不得了, 烤魚雖然有辣椒係入面. 但我覺得唔算辣, 唔食得辣都唔使驚食唔到
, 職員話等五分鐘就食得, 烤魚好香, 魚肉好嫩滑, 好好食
, 鍋底仲有好多萵荀, 腐皮, 雲耳, 芽菜等等既配料, 就咁食烤魚都飽飽地
打邊爈一定要食海鮮
, 我地落佐一份時令太平洋海鮮拼盤, 鍾意嗌拼盤, 因為可以咩都試下, 海鮮拼盤有海蝦, 有蠔, 有帶子, 有蟶子, 全部都係我平時鍾意食既
, 全部都好鮮甜, 果然冇嗌錯, 仲有兩隻鮑魚, 肉眼已經睇得出非常新鮮, 好大隻, 食落好彈牙
重頭戲係雪山和牛拼盤, 又係咩牛都想試下, 嗌拼盤實冇錯, 拼盤包括A4和牛, 本地手切牛, 極黑和牛肉, 牛小排, 和牛舌, 牛胸爽, 下次來食我一定會單獨嗌一碟A4和牛, 真係食到咩係和牛, 好好味
, 朋友就鍾情於牛小排, 不停話想再嗌多碟
好鍾意食鴨血, 每次打邊爈一定會嗌, $78有咁多塊都算好抵, 真係好嫩滑好易入口
食到好飽, 果然好高質, 下次一定要帶多幾個朋友一齋來食, 先可以再食多啲菜式
