台灣麵 (Closed)

中午食飯時間在太子附近搵野食，同事提議去食台灣麵，系，間店名就叫台灣麵，但其實除左麵仲有好多飯類及小食選擇，開在始創中心，真系方便又好坐。我地揀左台灣牛肉麵，一份糸原味，一份系紅燒，紅燒就有少少辣，但湯底都是十分清甜。牛肉好冧，有好多塊，超級的滿足！牛肉肉質鮮嫩。麵身勁道十足。套餐配左海帶絲，口感很爽，夏日炎炎非常解暑。小食我地點左椒鹽花枝丸，大粒彈牙，十分入味。尤其鐘意酥炸腐皮蝦卷，金黃色的腐皮，薄而脆，包住蝦餅，外脆內彈牙，香脆可口。紅油抄手，估唔到d雲吞咁大粒，仲要超級飽滿，紅油不算辣，但十分夠味。加配跟餐飲，我揀左珍珠奶茶，香滑回甘。