在 (Closed)

男朋友收工買咗呢間《在》返嚟比我食，兩個人一邊食一邊睇戲，今晚唔洗洗碗😌爽呀！呢一間外賣店唔止近深水埗，仲都幾近南昌，地鐵站出口行幾分鐘就搵到，地理位置超方便！之前已經食過佢哋呢間嘅三文治覺得好吸引，不過男朋友話收工已經有啲款賣晒。所以今次就試吓佢哋嘅飯同麵。男朋友就叫左打抛豬肉太陽蛋飯，隻太陽蛋煎得幾靚仔，蛋味都幾濃郁，豬肉嘅份量都夠多，調味啱啱好。而我嘅勁葱雙丁都幾好，個麵唔會太淋又唔會太硬係我鍾意嘅口感，仲要幾香蔥味添。環境:⭐️⭐️⭐️⭐️（5星滿分）食物:⭐️⭐️⭐️⭐⭐（5星滿分）服務:⭐️⭐️⭐️⭐️⭐️（5星滿分）