湯鮮生 (莊士敦道) (Closed)

話說生於一個無飯家庭，所以餐餐岀面食，至但係半個環保女人好想飲湯又唔想去鴻x堂製造咁多垃圾可以點？就係放工與返學之際路過湯鮮生，簡直係眼前一亮，最平三十元唔夠就有交易喎，都幾平吖，我叫左個淮山杞子燉烏雞，好清甜，諗住又係得2舊豬肉食，點知唻到打開成個碗都係湯渣確實有點意外，睇落個碗唔算大，但好像飲咗好耐都未飲完！佢個碗仲有耳仔，方便飲最後嘅精華👍🏻👍🏻👍🏻除了有湯仲有飯同菜食，我為咗慳家所以無試佢d飯菜🙈 以後返學前或者等人無所事事時都值得一去