幾鍾意喺宜家傢俬食嘢係因為真係好方便同埋好多選擇，一碟碟咁樣拎放到成枱都係好開心
今次我哋拎咗好多食物~~
✨鮮蝦冷盤：呢個我真係好鍾意，每次一定會拎！好鮮甜好多隻
✨酥皮龍蝦湯：龍蝦湯略嫌有啲稀，但係落埋酥皮落去一齊飲就okay~ 入邊有少量龍蝦肉。
✨豬手配薯仔：豬手外皮略嫌有啲硬，但我諗應該係放耐左既緣故。薯仔係就咁烚的，如果煎下就好了。
✨芝士薯波：凍咗
但係我相信佢熱食嘅時候係好味的。✨蔬菜薯餅：呢個依然係我長期至愛，我個人覺得配埋佢隻莓醬食好好食
✨肉醬長通粉：又係凍咗，不過味道好普通，同埋上邊啲芝士唔夠。
✨綠茶蛋糕：呢個就搞唔掂，太甜，上面嘅綠茶啫喱(?)味道有啲假。
雖然應該有啲難度，但如果食物保溫可以做得好啲就好了
