自家燒吧 (Closed)

踏入秋冬要開餐，唔係食火鍋就係韓國燒烤，最近朋友推介觀塘工廈新開咗一間（自家燒吧）的電動串串燒餐廳，今晚就約埋他及幾個朋友一起來到試， 餐廳裝修好有特色，坐得好舒服，果然有驚喜，不錯之選。自家至尊海鮮船二人前$438，分別有我至愛的，帶子、白鱔、海蝦、豚肉串、雞翼、豬腩肉、冬菇、翠玉瓜等等，見到送來的海鮮船，未食先興奮。第一次食用這特別的串串机燒烤，又清潔乾淨，不像在外邊燒烤的那一種，周圍都是炭。白鱔鮮甜肉爽，不錯之選。燒牛舌加埋醬汁，食到舐舐脷。餐廳做緊蒜蓉焗生蠔 promotion如果食滿六百元，可以用優惠價叫五蚊一隻， 值得一讚，就係餐廳係可以冇限叫，要幾多隻都得，所以我哋encore又再encore。燒烤最緊要就係，叫番個冰凍的椰青，潤潤喉啦。