醉潮館

Open Now

Now Closed

椒鹽魷魚新鮮即炸熱辣辣好好味，魷魚外皮脆入面軟，食落有微辣，而且嚿嚿都好大件不過椒鹽魷魚熱食就好食，凍左外皮就變得稔而且油膩所以記住要趁熱食先好另外叫左個白果豬肚胡椒湯，湯好足料，入面有唔少豬肚我就鐘意飲湯多D，每啖湯都有好濃胡椒味，好正沙爹牛肉炒芥蘭，牛肉大大塊，沙爹味亦都夠濃， 芥蘭切得細細方便夾，成個菜分量好多，不過芡汁略嫌有啲咸，唔係就會更加好味潮式炒飯材料有鹹肉、蛋、蝦乾、菜脯和冬菇，口感相當豐富。炒飯炒得好夠鑊氣而且有咬口，可以食到一粒粒米飯。